ချစ်သူ၊အိမ်ထောင်ဖက်၊မိတ်ဆွေတို့နှင့် မိမိ Password များကို မျှဝေအသုံးပြုသင့်ပါသလား?

မိမိချစ်သူ၊ အိမ်ထောင်ဖက်၊ မိမိ၏သူငယ်ချင်းများ၊
လုပ်ဖော်ကိုင်ဖက်များနဲ့ မိမိ password/PIN code
ကိုဘာလို့မမျှဝေသင့်တာလဲ။ မိမိချစ်သူ (သို့) 
မိမိအိမ်ထောင်ဖက်ကို password/PIN code ​
တွေ share ထားခဲ့မယ်ဆိုရင်  မထင်မှတ်ဘဲ ကွဲသွားတာမျိုး၊ 
မပေါင်းတော့တာမျိုးဆိုရင် နှစ်ဦးနှစ်ဖက်အကျိုးမဲ့​စေတဲ့ 
မလိုလားအပ်တဲ့ကိစ္စတွေဖြစ်​​ပေါ်လာနိုင်ပါတယ်။ 
အကျိုး အပြစ်ကိုချိန်ကြည့်မယ်ဆိုရင် 
ဆိုး​စေတဲ့ဘက်က ပိုပြီးတော့များနေပါတယ်။
 မိမိကိုမကျေနပ်လို့ မိမိရဲ့အကောင့်ထဲဝင်ပြီး
 စျေးလျှောက်ဝယ်ခြင်း၊
 မိမိဘာလုပ်နေတယ် ဘယ်သူတွေနဲ့ပြောဆိုထားတယ်ဆိုတာကို 
သတင်းလိုက်မုဆိုးဆန်ဆန်
 မိမိအကောင့်ထဲဝင်ကြည့်ခြင်းတို့ဖြစ်လာနိုင်ပါတယ်။ 
Relationship နဲ့ပတ်သတ်တဲ့ သု​တေသနတွေ
 ​လေ့လာ​တွေ့ရှိချက်​တွေအရ ပြတ်သွားပြီးလျှင်
 မိမိရဲ့အဆက်ဟောင်းမှ မိမိရဲ့အကောင့်ထဲသို့ဝင်​ရောက် 
မွှေတာမျိုးတွေလုပ်တတ်ကြတယ်လို့ သိရှိထားရပါတယ်။ 
ဖြစ်နိုင်လျှင် အစထဲက password ကိုမပေးပါနဲ့၊ 
ပေးထားပြီးလို့ ပြတ်သွားကြတယ်ဆိုရင်လည်း password ပြောင်းဖို့မမေ့ပါနဲ့။ 
 နားလည်မှုအပြည့်နဲ့ ​ကောင်းမွန်တဲ့ဆက်ဆံရေးဆိုတာ 
တစ်ဦး privacyကို တစ်ဦးက အပြန်အလှန်လေးစားမှု​ပေးနိုင်ခြင်းပဲဖြစ်ပါတယ်။
 စည်းကမ်းရှိပြီး တစ်ဦးပေါ်တစ်ဦးယုံကြည်တဲ့ ချစ်သူ၊ 
အိမ်‌ထောင်ဖက်ဖြစ်ဖို့ကလည်း ​ပျော်ရွှင်ပြည့်စုံတဲ့ relationship 
တစ်ခုတည်​ဆောက်ဖို့အတွက် အဓိကကျတဲ့အ​ရေးကြီးအချက်တစ်ခုဖြစ်ပါတယ်။
 နောက်တစ်ချက်အ​နေနဲ့ မိမိသူငယ်ချင်းနှင့် မိမိအချင်းချင်းကြားက
 ကိုယ်ရေးကိုယ်တာတွေကိုပြောပြထားတယ်ဆိုတာမျိုးရှိခဲ့ရင်
 အဲ့ဒီလို​ပြောဆိုထားတာ​တွေကို မိမိအိမ်ထောင်ဖက် (သို့) 
ချစ်သူက မြင်သွားရင်မကောင်းပါဘူး။ တစ်ဖက်ကသူငယ်ချင်းကို 
မိမိအိမ်ထောင်ဖက်(သို့)ချစ်သူကမသိသလို၊
 မိမိသူငယ်ချင်းကလည်း ယုံကြည်လို့ ကိုယ်ရေးကိုယ်တာတွေ 
နှစ်ကိုယ်ကြား ဖွင့်ဟထားကြတဲ့အတွက်
 မိမိအပြင်ဘယ်သူမှမသိတာအကောင်းဆုံးပါ။
 ဖြစ်နိုင်ရင် (မိမိသာသိရမယ့် သူတစ်ပါးရဲ့ ကိုယ်​ရေးကိုယ်တာ အထူးလျှို့ဝှက်ချက်များဆိုပါက) တစ်ဖက်သားပြောသမျှစာတွေကို 
ဖတ်ပြီးတာနဲ့ ဖျက်ပစ်လိုက်တာက ပိုပြီး
 လုံခြုံစိတ်ချရပါလိမ့်မယ်။ မိမိဘော်ဒါတွေနဲ့ 
ဘာရယ်မဟုတ် စ,နောက် ထားတာတွေကလည်း
 မိမိချစ်သူ(သို့)အိမ်ထောင်ဖက်မြင်ရင်
 နားလည်မှုလွဲမှားပြီး စကားများရန်ဖြစ်လာနိုင်ခြင်းများရှိတာ​ကြောင့် 
အချို့ကိစ္စများကို privacy ရှိဖို့ မဖြစ်မ​နေလိုအပ်ပါတယ်။
 လုပ်ဖော်ကိုင်ဖက်တွေနှင့် ဆိုရင်လည်း မိမိရဲ့အလုပ်မှာသုံးတဲ့
 မေးလ်(email account) password ကိုမပေးထားသင့်ပါဘူး။ 
ဥပမာအ​နေနဲ့ မိမိကအလုပ်မလာဖြစ်လို့၊ 
ဖျားလို့ ဖုန်းလှမ်းဆက်ပြီး mail ထဲဝင်ပြီး 
ဘာလုပ်ပါ ညာလုပ်ပါလို့ ပြောရင်း မထင်မှတ်ပဲ
 မိမိလစာ (သို့မဟုတ်) မိမိနှင့်မိမိအလုပ်ရှင်သာသိသင့်တာတွေကို 
လုပ်ဖော်ကိုင်ဖက်က တွေ့မြင်သွားခဲ့ရင်မသင့်တော်ပါဘူး။ 
မသိသင့်၊ မသိအပ်တဲ့အရာတွေ ရှိကိုရှိပါတယ်။
 ဥပမာ - လစာလိုမျိုး တစ်ဖက်သားကသိသွားပြီး
 သူတို့လစာက မိမိလစာ​အောက် နည်းနေတာမျိုးဆိုလျှင်၏
 ရှင်းရခက်တဲ့ တစ်အုံ့နွေး​နွေး ပြဿနာ​တွေဖြစ်လာနိုင်ပါတယ်။ 
Privacy ရှိခြင်းဟာ အင်မတန်ကို လူတိုင်းအတွက်အရေးကြီးပါတယ်။
 privacy ဆိုတာ ကိုယ့်ရေးကိုယ်တာကိစ္စသာဖြစ်ပြီး
 သူများနဲ့မမျှ‌ဝေသင့်တဲ့အရာတွေဖြစ်ပါတယ်။ 
Privacy ဆိုတာ လူ့အခွင့်ရေးထဲက 
ကိုယ့်ရဲ့ရပိုင်ခွင့်ဖြစ်တဲ့ rights တစ်ခုပါပဲ။
 ဒါ​​ကြောင့် အရာရာအားလုံးကို လူတိုင်း ​ပေးသိစရာမလိုပါဘူး။
 ပိုမိုစိတ်ချလုံခြုံ​သောအ​နေအထားကို လိုချင်လို့​သော်လည်း​ကောင်း
 (သို့) မိမိကိုယ်​ရေးကိုယ်တာကို တခြားတစ်​ယောက်သိသွားခဲ့ပြီဟု 
သံသယရှိရင်​​သော်လည်း​ကောင်း Password ကိုမကြာခဏပြောင်းပေးသင့်ပါတယ်။ 
ထိုကဲ့သို့ ပြုလုပ်​ပေးခြင်းက မိမိလုံခြုံရေးအတွက်အများကြီးအထောက်ကူဖြစ်​စေပါလိမ့်မယ်။
 မလိုလားအပ်တဲ့ အန္တရာယ်များ မဖိတ်​ခေါ်မိ​စေဖို့ ပိုမို​ဘေးကင်းလုံခြုံ​​စေဖို့အတွက် ထိန်းသိမ်းသင့်​သော ကိုယ်​ရေးကိုယ်တာများကို အတူတကွထိန်းသိမ်းကြပါစို့။

Sources: https://www.kaspersky.com/blog/connected-love-privacy-report/ 
https://www.bustle.com/wellness/noodles-snowflake-emojis-meaning