အင်တာနက်ဘော်ဒါမှာ Covid-19 နဲ့ပတ်သက်လို့ ဘယ်မှာသတင်းအမှန်နဲ့ သတင်းမြန်တာတွေကို ဖတ်ရမလဲဆိုတာမျိုးကိုလာမေးကြတာတွေရှိပါတယ်။ Covid-19 နဲ့ပတ်သတ်လို့ အရမ်းစိုးရိမ်ပူပန်မှု တွေမဖြစ်ရအောင်နဲ့သတင်းမှားတွေနဲ့မကြုံရအောင် အောက်မှာဖော်ပြထားတဲ့ Page လေးတွေကိုသွားရောက်လေ့လာနိုင်ပါတယ်။ World Health Organization Myanmar (WHO) (https://web.facebook.com/WorldHealthOrganizationMyanmar/?_rdc=10&_rdr) ဒီPageမှာဆိုရင် ကျန်းမာရေးအရဘယ်လိုညီညွတ်အောင်နေထိုင်စားသောက်ရမလဲနဲ့ ကျန်းမာရေးဆိုင်ရာအဝဝကိုရေးထားတာဖြစ်ပါတယ်။ မှန်ကန်တဲ့သတင်းတွေဖြစ်သလို ဆေးပညာနဲ့ပတ်သတ်သမျှ လူတွေပူးပေါင်းအလုပ်လုပ်နေကြတဲ့အဖွဲ့စည်းဖြစ်တဲ့အတွက် ယုံကြည်စိတ်ချစွာလေ့လာနိုင်ပါတယ်။ Dr.Thuta Chatbot Page (https://www.facebook.com/Dr.ThutaChatbot) မှာဆိုရင်တော့ Covid-19 မြန်မာပြည်ကိုစလာပြီး သိပ်မကြာခင်မှာပဲ အားလုံးက အွန်လိုင်းကနေတစ်ဆင့် ကိုယ်သိချင်တဲ့ Covid-19 နဲ့ သက်ဆိုင်တဲ့မေးခွန်းတွေမေးလို့ရပါတယ်။ မေးလေ့ရှိတဲ့ မေးခွန်းတွေကတော့ ဘယ်နှစ်ယောက်ရောဂါတွေဖြစ်သွားပြီလဲ၊ ဘယ်မြို့နယ်တွေမှာ လူနာတွေများနေပြီလဲနဲ့ ဘယ်လိုဒီရောဂါဆိုးကြီးကနေ ကာကွယ်စောင့်ရှောက်ရမလဲဆိုတာကို ဒီ Pageလေးက အချိန်နဲ့တစ်ပြေးညီ သတင်းများမျှဝေပေးတဲ့အတွက် ဘော်ဒါတို့အားလုံးအချိန်မရွေးchat box မှာသွားမေးလို့ရပါတယ်။ Ministry of Health and Sports,Myanmar (MOHS) (https://www.facebook.com/MinistryOfHealthAndSportsMyanmar?_rdc=1&_rdr) ကတော့ ည ၈ နာရီဆိုတာနဲ့ တစ်နေ့ကို Covidလူနာဘယ်လောက်ရှိပြီနဲ့ ဘယ်မြို့နယ်တွေကဖြစ်ကြောင်းတင်ပေးပါတယ်။ လူနာတွေရဲ့အသက်နဲ့ ကျားလား၊ မ လား ဆိုတာတွေကအစ သိရတဲ့နေရာလေးပါ။ အစိုးရပိုင်းအနေနဲ့ဘာတွေကိုလုပ်ဆောင်နေလည်းဆိုတာကို လည်းသိရှိဖို့လွယ်ကူတဲ့ Page လေးပါ။ သတင်းမှန်များဖတ်လို့ အားလုံးပဲဘေးကင်းနိုင်ကြပါစေ။
