အပိုင်း ၇။ Report လုပ်နည်းနဲ့ Block လုပ်နည်း
ကဲမောင်မယ်တို့ရေ အရင်တစ်ခေါက် အင်တာနက်ပေါ်မှာ နှောင့်ယှက်တာခံရရင် အကူအညီယူရမယ်လို့ ပြောထားတယ်နော်။ ဒီတစ်ခေါက်မှာ ဖေ့စ်ဘုတ်ပေါ်မှာ နှောင့်ယှက်တာကြုံလာရင် ကိုယ့်ဟာကိုယ် လွယ်လွယ်ဖြေရှင်းလို့ရမယ့်နည်းကို ပြောပြမယ်။ တစ်နည်းကတော့ ကိုယ့်ကို တိုက်ရိုက်လာနှောင့်ယှက်နေရင်တော့ သူက ကိုယ့်ကို Facebook မှာ ဘယ်တော့မှ ပြန်မမြင်ရတော့အောင် သူ့အကောင့်ကို block လုပ်ပစ်တာပါပဲ။ နောက်တစ်ခုက လူတစ်ယောက်က တားမြစ်ထားတဲ့အရာတွေ စံနှုန်းဖောက်ဖျက်နေတာတွေ ကိုယ်ကမြင်ရင် သူ့ကို ဖေ့စ်ဘုတ်ကို အကြောင်းကြားတဲ့ report လုပ်နည်းပါပဲ။ ဘယ်လိုလုပ်ရမလဲဆိုတော့
၁။ ကိုယ့်ကိုစိတ်အနှောင့်အယှက်ဖြစ်အောင်
စကားတွေလာလာပြောပြီး နှောင့်ယှက်နေတဲ့အကောင့်ကို Report (ရီပို့) ထုချင်တယ်ဆိုရင်တော့ အဲ့အကောင့်ရဲ့ ညာဘက်အပေါ်ထောင့်မှာ ⓘ ပုံစံလေး ရှိပါတယ်။
၂။ အဲ့ဒါကိုနှိပ်လိုက်ရင် အောက်ကပြထားသလိုပုံစံမျိုးပေါ်လာပါလိမ့်မယ်။ အဲ့ကနေ View profile ဆိုတာကို နှိပ်လိုက်ပါ။ အဲ့ဒီ့အခါ သူရဲ့ ဖေ့စ်ဘုတ်စာမျက်နှာဆီကို ရောက်သွားပါလိမ့်မယ်။
၃။ သူ့ရဲ့ ဖေ့စ်ဘုတ်ပရိုဖိုင်းဆီကို ရောက်ပြီဆိုရင်တော့ နာမည်ရဲ့အောက်က လေးခုမြောက် ခလုတ်ဖြစ်တဲ့ more ဆိုတာကို နှိပ်လိုက်ပါ။
၄။ အပေါ်ဆုံးက Give feedback or report this profile ဆိုတာကို ထပ်နှိပ်ပါ။
၅။ ဒီလိုပုံစံပေါ်လာပြီဆိုရင်တော့ သူက ဘယ်လိုဘယ်ပုံနဲ့ စိတ်အနှောင့်အယှက်ဖြစ်အောင် လုပ်နေလဲဆိုတာကို ရွေးရမှာပါ။
(၁) တစ်ယောက်ယောက်ယောင်ဆောင်နေတဲ့သူ
(၂) အကောင့်တု
(၃) နာမည်တု
(၄) တင်ဖို့မသင်တော်သော ပို့စ်များတင်နေသူ
(၅) အဲ့ဒီသူကို ကူညီပါမယ်
(၆) အခြား
အခုကတော့ (နာမည်တု) Fake Account ဆိုတာကိုရွေးလိုက်ပါတယ်။
၆။ Fake Account ဆိုတာကိုရွေးပြီးရင် Send ဆိုတာကို နှိပ်လိုက်ပါ။
၇။ ပြီးရင် သုံးခုမြောက်ဖြစ်တဲ့ Report profile ကိုနှိပ်ပါ။
၈။ သုံးခုမြောက်မှာ Submitted to Facebook for review ဆိုပြီး ပေါ်လာရင် ရပါပြီ။
၉။ ဒီဟာကတော့ အခုလိုရီပို့လုပ်ရခြင်းဟာ ဖေ့စ်ဘုတ်ရဲ့ လူမှုကွန်ရက်နဲ့ ဆန့်ကျင်နေလို့ လုပ်ရပါတယ်ဆိုတာကို အတည်ပြုရတာဖြစ်ပါတယ်။ အောက်ဆုံးကစာကြောင်းလေးမှာ အမှန်လေးခြစ်ပြီး Report ဆိုတာကိုနှိပ်ပြီးရင်တော့ ရီပို့ထုတာ အောင်မြင်ပါပြီ။
အပေါ်မှာပြောထားတာကတော့ ကိုယ့်ကို မက်စေ့ချ်တွေမှာ အနှောင့်အယှက်လာပေးတာမျိုးတွေကို ရီပို့ (Report) လုပ်ရတာမျိုးပါ။ အကယ်လို့ Facebook သုံးနေရင်းနဲ့ ကိုယ့်ရဲ့ Wall ပေါ်မှာ အမုန်းစကားကို အသားပေးပြီး ရေးထားတဲ့ပို့စ်တွေ၊ ညစ်ညမ်းစာသားတွေ ပုံတွေ ပါတဲ့ပို့စ်တွေ စတဲ့ ကိုယ်ပါမက အခြားသူတွေပါ မြင်ဖို့မသင့်တော်တဲ့ ပို့စ်မျိုးတွေကို Report လုပ်လို့ရပါတယ်။ အောက်မှာ လုပ်ပုံလုပ်နည်းကို ပြောပြထားပါတယ်။
၁။ ပထမဆုံး အဲ့ပို့စ်ရဲ့ ညာဘက်အပေါ်ထောင့်က အစက်လေးသုံးစက်ကို နှိပ်လိုက်ပါ။
၂။ ဒီလိုပေါ်လာပြီဆိုရင်တော့ ပို့စ်ပေါ်မူတည်ပြီး Report လုပ်ရတဲ့ ပုံစံကွာသွားမှာဖြစ်ပါတယ်။ အပေါ်မှာ ရှင်းပြထားတဲ့အတိုင်းပဲ ပို့စ်က ဘယ်လိုပို့စ်မျိုး ဖြစ်တယ်ဆိုတာကို ရွေးရမှာပါ။
(၁) ညစ်ညမ်းပုံနှင့်စာများ
(၂) အကြမ်းဖက်မှုများ
(၃) အွန်လိုင်းပေါ်မှ နှောင့်ယှက်မှုများ
(၄) ကိုယ့်ကိုယ်ကို သတ်သေမှုများ၊ ထိခိုက်နာကျင်အောင် လုပ်ခြင်းများ
(၅) သတင်းအမှားများ
(၆) စိတ်အနှောင့်အယှက်ပေးသောစာများ၊ပုံများ
(၇) တရားမဝင်ရောင်းချမှုများ
(၈) အမုန်းစကားများ
(၉) အကြမ်းဖက် တိုက်ခိုက်မှုများ
၃။ နမူနာအနေနဲ့ Harassment – အွန်လိုင်းပေါ်မှ နှောင့်ယှက်မှုများကို ရွေးလိုက်ပါတယ်။ ပြီးရင် Send ဆိုတာကို နှိပ်လိုက်ပါ။
၄။ အခုလို ပေါ်လာရင်တော့ Submit to Facebook for review – ဖေ့စ်ဘုတ်ဆီကို ဒီတိုင်ကြားချက်ကို ပို့မယ် ဆိုတာကို ထပ်နှိပ်ပါ။ ပြီးရင်တော့ Done – ပြီးဆုံးပြီ ဆိုတာကိုနှိပ်လိုက်ရင်တော့ Report – တိုင်ကြားခြင်းဟာ အောင်မြင်သွားပါပြီ။ ထပ်ပြီးတော့ အဲ့ဒီ့ပေ့ချ်ကတင်တဲ့ ပို့စ်တွေကို ထပ်မမြင်ချင်တော့ဘူးဆိုရင် Block သို့ Unfollow လုပ်လိုက်လို့လည်း ရပါတယ်။
ဒါဆိုရင် အင်တာနက်ပေါ်မှာ အနှောင့်အယှက်ကင်းပြီး ကိုယ့်ကို စိတ်ရှုပ်အောင်လုပ်မယ့် အဖြစ်တွေက ကင်းစင်သွားပေါ့နော်။
