အပိုင်း ၉။ ဘယ်ဆီကို ရောက်ရောက်
မောင်မယ်တို့ရေ အင်တာနက် လူမှုကွန်ရက်ကနေတစ်ဆင့် အရမ်းကိုယ်ရေးကိုယ်တာဆန်တဲ့ ကိစ္စတွေကို လူတွေသိအောင် ဝေမျှတယ်ဆိုတာမှာ ကိုယ်ဘယ်နေရာ ရောက်နေတယ်၊ ဘယ်သွားနေဆိုတာကို check-in လုပ်တာတွေလည်း ပါတတ်တယ်။ ဒါတွေက တချို့အရာအတွေမှာတော့ ဘာမှ ပြဿနာမရှိပေမဲ့၊ တချို့ကျတော့ မပြောသင့်တာတွေ ပါတယ်လေ။
အခုခေတ် အွန်လိုင်း အသုံးပြုသူမောင်မယ်တို့က လူမှုကွန်ရက်တွေကို တွင်တွင်ကျယ်ကျယ် အသုံးပြုကြတယ် မဟုတ်လား။ ဦးဦး ဒေါ်ဒေါ် ကိုကို မမ အရွယ်မရွေး Facebook အသုံးပြုကြသူတိုင်း သူငယ်ချင်းတွေနဲ့ တွေ့ကြဆုံကြရင်ပဲဖြစ်ဖြစ် မိသားစုလိုက်သွားရင်ပဲဖြစ်ဖြစ် လူမှုကွန်ရက်ပေါ်မှာ Check-in မဝင်ဖူးသူမရှိလောက်ဘူးလို့ ထင်ပါတယ်။
အသုံးပြုသူတွေကတော့ အမှတ်တရအနေနဲ့ တင်ကြပေမယ့် ဒီနေရာမှာ သတိမထားမိလိုက်တာက ကိုယ် ဘယ်နေရာ ရောက်နေသလဲ၊ ဘယ်တွေသွားတတ်သလဲ ဆိုတာတွေကို သူစိမ်းတစ်ယောက်က အလွယ်တကူ သိစေနိုင်တာပါပဲ။ ဒါဆိုရင် သူတို့က နေ့စဉ်နေ့တိုင်း ကိုယ် ဘယ်လိုသွားဘယ်လိုလာတယ် ဆိုတာကို ရိပ်မိနေရင် ကိုယ့်ကို ရန်ပြုချင်ရင် ရန်ပြုလို့လွယ်တာပဲ။ တင်ချင်တယ်ဆိုရင် တင်သင့်၊ မတင်သင့် ဆိုတာကို အရင်ဆင်ခြင်တွေးတောပြီးမှ တင်ကြရင်တော့ အားလုံးဘေးကင်းတာပေါ့။
